Sori nya… Kanu teu bisa make atawa teu ngarti basa Sunda. Kuring keur sono pisan gunem catur dina basa my indung. (Heheh… apaa lagi my indung?)

Sabenerna kuring teh hayaang pisan boga blog husus basa sunda. Sepesial jang ngocoblak nu teu make jaim-jaiman. Ngan eta tea… Ngurus hiji wae ripuh. Hak-hik-hek kaditu-kadieu sanajan di imah ge. Gawe ngan nyerek si bungsu nu ngebut kokorondangan nepi ka dapur. Can deui kudu gogorowokan nitah si cikal ampih, da ulin wae ka jalan. Atawa nungtun si panengah kaluar ti kamar mandi bari nyetel radio butut setatsion biwir. Bongan hayoh wae ngancrub-ngancrub cocooan kana bak.

Tah geuning! Aya wancina oge. Kuring rek indehoy heula di dunia maya. Da barudak geus sarare tibra. Salaki ge keur ngaronda dines peuting. Keun bae gerohan mah. Oge antep sajah dulu cocooan yang paburantak. Jeung korsi-korsi tamu nu tadi digalusur, nu cenah eta teh kareta api. Eike rek hepi-hepi rait naw… Asseeekkk… Asseeeeekk… Hayu lah. Wang ceting! Heuheuy deuh… Internet… Em kaming yeuh!